રામાયણના શ્રવણવધ પ્રસંગનું પુનરાવર્તન થતું હોય તેવી એક સંવત ૧૭રર આસપાસની ચારણની લોકકથા છે. વૃધ્ધ ચારણ દંપતિનો પુત્ર નદીમાં પાણી ભરવા ગયો ત્યાં શિકારીના હાથે બંદૂકની ગોળીએ વીંધાઇ ગયો.નિરાધાર વૃધ્ધ દંપતીએ જે નદીમાં તેના પુત્રની હત્યા થઇ, તે નદીમાં પાણી નહિ રહે એવો શાપ આપ્યો. જે આજની બોટાદ ગામની વચ્ચેથી પસાર થતી સુકી નદી ઉતાવળી. જેના હાથે ચારણપુત્રનું મૃત્યુ થયું હતુ એ ભોજાભાઇએ આ ગામનું તોરણ સંવત ૧૭રરના વૈશાખ સુદ ત્રીજને દિવસે બાંધ્યું.
"લોકોકિત પ્રમાણે બોટાદ ગામે ભોજભાઇ ખાચરે ઇ.સ. ૧૬૬૬ સંવત ૧૭રરમાં ગામનું તોરણ બાંધ્યું. આ ગામ એ પાંચ ગામને ભાંગીને નવું સ્થાપ્યું હતું. જેવાકે ભોમવદર, સમળી, ધોળી, સાંઢગઢ અને ભોજાવદર"
બોટાદની સ્થાપના ખરેખર કોણે કરી, તે જાણી શકાયું નથી. પરંતુ મહંમદ બેગડાના સમયમાં બોટાદ નામ ઈતિહાસમાં પ્રકાશમાં આવ્યું હોય તેમ જણાય છે. મહંમદ બેગડાના શાસનકાળ દરમ્યાન આ વિસ્તારમાં કાઠીઓનું વર્ચસ્વ વધારે જણાય છે. ઈ.સ. ૧રપ૦ની આસપાસ રા'મહિપાલ ત્રીજાના વખતમાં સોનકજીને બોટાદની આસપાસનો પ્રદેશ મળ્યો હોવાનાં ઉલ્લેખ જોવા મળે છે. મહંમદ બેગડાના સમયમાં હાલાજી પરમાર જેઓએ મુસલમાન ધર્મ અંગીકાર કર્યો હતો. તેમને ઇ.સ. ૧૪૮૦માં બોટાદની ચોવીસી મળી હતી એમ ઉલ્લેખ મળે છે.
બોટાદ ગુજરાત રાજયના ભાવનગર જિલ્લામાં જિલ્લા મથકથી ૯૩ કિ.મી. ના અંતરે આવેલ છે. ર૧.૭૦ ઉતર અક્ષાંશ અને ૭૧.૪૦ પૂર્વ રેખાંશ પર સ્થિત બોટાદ અમદાવાદ, રાજકોટ, સુરેન્દ્રનગર અને ભાવનગર એમ ચાર જિલ્લાની ચર્તુ :સીમાએ આવેલ છે.
ક્ષેત્રફળ : બોટાદ શહેર અંદાજે ૬૭.૧૭ ચો.કિ.મી. વિસ્તા્રમાં આવેલ છે.
વસ્તી : બોટાદ શહેરની વસ્તી સને-ર૦૧૧ની સ્થિતિએ ૬૭,૬૭૫ – પુરુષો, ૬૨,૬૫૨ સ્ત્રીવઓ તથા ૧૭,૨૦૨ બાળકો મળી કુલ વસ્તીસ ૧,૩૦,૩૨૭ નોંધાયેલ છે.
પાક : બોટાદ તાલુકામાં સામાન્યી રીતે કપાસ, તલ, ઘઉં, બાજરી, કઠોળ તથા શાકભાજીનું વાવેતર કરવામાં આવે છે.
નદી : બોટાદમાં ઉતાવળી અને મધુ નદી મુખ્ય છે.
